Autoritetet kineze kanë kërkuar nga një Odë Amerikane e Tregtisë në qytetin Chengdu që ta ndërpresë operimin, thanë të martën zyrtarët e kësaj organizate.

Oda i njoftoi anëtarët e vet të hënën se, në përputhje me ligjet dhe rregulloret kineze, është detyruar që ta ndërpresë veprimtarinë dhe se nuk mund ta vazhdojë më aktivitetin e vet nën emrin e Odës Amerikane të Tregtisë në Kinën Jugperëndimore.

Në deklaratë nuk u përmend ndonjë arsye e saktësuar pse oda është udhëzuar që ta ndërpresë veprimtarinë. Kjo organizatë i promovonte tregtinë dhe investimet mes Shteteve të Bashkuara dhe rajonit jugperëndimor të Kinës.

Benjamin Wang, drejtor i kësaj ode, tha se duket që Ministria e Çështjeve Civile e Kinës po zbaton një rregull që kërkon që në vend të ekzistojë vetëm një odë zyrtare e tregtisë, shkruan Reuters.

Mbyllja e kësaj ode vjen pas pak më shumë se një viti kur Kina e mbyllu konsullatën amerikane në po të njëjtin qytet si hakmarrje për mbylljen e konsullatës kineze në Houston./Express/